Андроид қурилмалар учун Xabar.uz мобил иловаси. Юклаб олиш ×

Хусусий авиаташувчи – «Qanot Sharq» парки иккита Airbus А321neo билан тўлдирилади

Хусусий авиаташувчи – «Qanot Sharq» парки иккита Airbus А321neo билан тўлдирилади

Ўзбекистоннинг хусусий авиаташувчиси бўлган «Qanot Sharq» авиакомпанияси иккита янги Airbus А321neo самолётини олиши ҳақида маълум қилди.

Авиаташувчи самолётларни American Air Lease Corporation’дан ижарага олади.

Air Lease корпорацияси берган маълумотга кўра, узоқ масофаларга парвоз қилиш учун ёқилғи баклари билан жиҳозланган самолётлар Ўзбекистонга кузда келиши керак.

Компаниянинг маркетинг бўйича вице-президенти А. Ж. Абедин Air Lease «Qanot Sharq» билан олиб бораётган келишувларидан жуда мамнунлигини қайд этди. Шунингдек, компания ривожида Ўзбекистон хусусий секторини ривожлантиришга қаратилган ислоҳотларнинг ўрни борлигини таъкидлади.

«Qanot Sharq» авиакомпанияси раҳбари Носир Абдуғоффоров америкалик ҳамкор билан ҳамкорлик қилишдан хурсандлигини билдириб, янги самолётлар авиакомпания йўналишлар сонини ва парвозлар географиясини кўпайтириши мумкинлигини таъкидлади.

Маълумот учун, «Qanot Sharq» авиакомпанияси 1998 йилда рўйхатдан ўтган бўлиб, юк ва йўловчи ҳаво транспорти йўналишига ихтисослашган.

Air Lease Corporation эса АҚШда жойлашган самолётлар ижараси билан шуғулланувчи етакчи компаниялардан бири. У 450 дан ортиқ Airbus ва Boeing самолётларига эгалик қилади.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг