Андроид қурилмалар учун Xabar.uz мобил иловаси. Юклаб олиш ×

Оролбўйини ривожлантириш шахсан мен учун устувор вазифа – Саида Мирзиёева

Оролбўйини ривожлантириш шахсан мен учун устувор вазифа – Саида Мирзиёева

Президент ёрдамчиси Саида Мирзиёева кеча, 4 апрель куни Самарқандда бўлиб ўтган Марказий Осиё Иқлим форуми борасида ўз фикрини билдирди.

«Ўзбекистоннинг иқлим ўзгаришига қарши курашдаги саъй-ҳаракатларини тақдим этиш мен учун катта шарафдир.

Марказий Осиё — табиий омилларга энг таъсирчан минтақалардан бири ҳисобланади: 70 йил давомида бу ҳудудда ҳарорат 1,5–2 даражага кўтарилган. Орол фожиаси эса глобал экологик инқирознинг рамзига айланган», – деди Мирзиёева.

У, шунингдек, Президент ташаббуси билан «Марказий Осиёнинг яшил ривожланиш» концепцияси ишлаб чиқилаётгани, бу яшил технологиялардан тортиб барқарор урбанизациягача бўлган барча соҳаларни тўла қамраб олишини таъкидлаб, ушбу концепциянинг COP30 форумида қабул қилинишига умид билдиради.

«Оролбўйи ва Қорақалпоғистонни ривожлантириш шахсан мен учун устувор вазифадир. Бу борада учта йўналишда — экология, инфратузилма ва маданий тикланиш бўйича иш олиб боряпмиз. Эртага Нукусда очилиши бўлиб ўтадиган Орол маданият саммити ҳам фан, санъат ва жамият ўртасида ўзига хос мулоқот майдони бўлиб хизмат қилиши кутилмоқда.

Биз мулоқот ва ҳамкорликка очиқмиз. Фақатгина биргаликда биз Ер юзини асраб қолишимиз ва фарзандларимиз, набираларимиз ҳамда биздан кейинги барча авлодлар учун яхшироқ келажакни барпо этишимиз мумкин», – дейди Президент ёрдамчиси. 

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг