Тарихий Aтлас кинотеатри ва кино музейининг очилиш маросимида, Истанбул дунёга машҳур кино юлдузлар, режиссёрлар ва продюсерларни кутиб олди.

Истанбулнинг Истиқлол хиёбонида жойлашган тарихий Aтлас кинотеатри ўзининг асл ҳолатига қайтарилди ва 2019-2020 йиллар давомида Маданият ва Туризм Вазирлиги ташаббуси билан энг кичик деталларигача янгиланди.

Бугун бу тарихий жой Туркия Президенти Ражаб Тоййиб Эрдоған томонидан тантанали равишда очиб берилди ҳамда унда дунёга машҳур режиссёр Гай Ричи, актёрлардан Жейсон Стэтхэм, Жош Хартнетт, Жеки Эйнсли, шу жумладан, Ричининг Aнталияда суратга олинаётган янги «Five Eyes» фильми актёрлари ҳам иштирок этишди.

Aтлас кинотеатри икки йиллик машаққатли меҳнат туфайли ўзининг асл ҳолатига мутаносиб тарзда тикланди. Илк маротаба 1948 йилда кино мухлисларига ўз эшикларини очган кинотеатр саҳнасидан тортиб ўриндиқларигача, овоз тизимидан тортиб фоесигача тўлиқ таъмирланган. Янгиланган кинотеатр санъат ихлосмандларига 483 ўринли жойлари, 4К тасвир сифати ва 13 га 7 ли саҳнаси билан юқори даражада хизмат кўрсатади. Кинотеатрнинг кўп функцияли саҳнаси жонли театр ва бошқа кўплаб санъат асарларини яратиш имконини беради.

Aтлас кинотеатри билан бир бинода жойлашган Кино музейи ўтмишдан ҳозирга қадар бўлган турк киноматографияси намуналарини ўзида жамлаган рақамли хотира ҳовузи мавжудлиги билан кино маданиятига катта ҳисса қўшади. Меҳмонлар турк киноматографиясига оид 8 мингдан ортиқ киноларнинг қисқача таърифини томоша қилишлари мумкин. Музейда ёш кино мухлислари учун таълимий тарзда яратилган дунё ва турк киноси дурдоналарининг алоҳида тафсилотларига оид муҳим маълумотлар ва ҳужжатлар ҳам намойиш этилади. Шунингдек, йиллар давомида турк киноси қўлга киритган кўп сонли миллий ва халқаро мукофотлар намойиш этилади.

Истанбулнинг Тақсим мавзеси, Истиқлол хиёбонида жойлашган Aтлас кинотеатри 1948 йилда очилган. Кинотеатр биноси 1870 йилда Султон Aбдулазиз даврида қурилган. Бейўғлу қайта қуриш жараёнининг гўзал мисолларидан бири бўлган бу иншоотнинг олд томони ХIХ аср охири неоклассика услубининг ёрқин намуналаридан биридир. У мислсиз ўзига хос шифт безаклари, гипсли рельефлар, мармар каминлар, паркет поллар ва бошқа кўплаб меъморий элементлари билан ўша давр санъатини ўзида акс эттиради. Aфсонавий кинотеатр Aтлас Пасажи номли растада жойлашган. Шу сабабли, Тақсимда яшовчи аҳоли йиғиладиган муҳим жойлардан бири бўлган. Музей шаҳар тарихида муҳим рол ўйнайдиган Aтлас кинотеатрининг қайта тикланишига ёрдам беради. Кинотеатр йиллар давомида турк киносининг маркази бўлган Яшилжом кўчаси ёнида жойлашган. Истанбулнинг Aтлас кинотеатри ва кино музейи Бейўғлу маданий йўлининг муҳим бекатларидан бири бўлади.

Очилиш маросимида дунёга машҳур кино юлдузлар, режиссёрлар ва продюсерлар қатнашишди. Туркиянинг Aнталия шаҳридаги ўзининг янги фильмини суратга олаётган Гай Ричи ва бутун дунёга машҳур актёрлар Жейсон Стэтхэм, Жош Хартнетт, Жеки Эйнсли маросимда қатнашганлар рўйхатида.

Гай Ричи ўзининг янги фильми «Five Eyes»ни суратга олиш учун Туркияни танлади.

Aнталиянинг кўргазмалар биноси ва Калаичи тарихий марказида суратга олинаётган «Five Eyes» фильми Маданият ва Туризм Вазирлигининг саъй-ҳаракатлари натижасида катта суратга олиш майдонига айланди. Айван Эткинсон ва Марн Дэвис томонидан ёзилган, Гуй Ритчие томонидан суратга олинаётган, Жейсон Стэтхэм ва Обри Плаза, Малоне ва Кэри Элвеслар томонидан рол ижро етилаётган «Five Eyes» фильми бутун дунёга катта хавф туғдираётган янги технологияли қурол савдосининг олдини олиш мақсадида халқаро махфий иттифоқ томонидан ёлланган агент M16 Orson Fortune ҳақидаги фильмдир.