Кейт Уинслет режиссёрлик дебютига тайёрланмоқда
Таниқли актриса Кейт Уинслет Netflix учун суратга олинаётган «Хайр, Жун» филмида режиссёр ва продюсер сифатида дебют қилади. Бу ҳақда Variety хабар берди.
Филм алоқалари узилиб кетган, аммо қийин бир вазиятда тўпланган акалар ва сингиллар ҳақида. Воқеалар замонавий Англияда бўлиб ўтади.
Кейт Уинслет филмда бош ролни ўйнайди. Кастингдан, шунингдек, Тони Коллетт, Жонни Флинн, Андреа Райзборо, Тимоти Сполл ва Ҳелен Миррен сингари актёрлар ўтган.
Филм сценарийсини Кейт Уинслетнинг 21 ёшли ўғли Жо Алфи Уинслет Мендес ёзган. Суратга олиш ишлари Буюк Британияда 2025 йил охиридан бошланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter