Коронавирус инфекцияси бўйича энг юқори кўрсаткич қайд этилди
Мамлакатимизда коронавирус инфекциясига чалинганлар сони бўйича энг юқори кунлик кўрсаткич қайд этилди.
Бугун, 13 апрел соат 10:00 ҳолатига кўра, Ўзбекистонга чалинганлар сони 896 нафарни ташкил этгани хабар қилинган эди. Яъни ўтган кундаги сўнгги ҳолатга нисбатан 31 кишида касаллик аниқланганди. Сўнг, соат 18:00 ҳолатига кўра, яна 38 кишида касаллик борлиги маълум бўлди. Кечки соат 23:00 ҳолати бўйича Ўзбекистонда коронавирус инфекцияси қайд этилганлар сони 998 нафарга етиб, беморлар рўйхатига 64 киши қўшилди. Шу тарзда 13 апрель куни Ўзбекистонда жами 133 кишида инфекция аниқланди.
Бу юртимизда вирус билан касалланганлик қайд этилган кундан буён энг юқори кунлик кўрсаткичдир. Бунга қадар энг юқори кунлик ўсиш 6 апрел куни кузатилганди – 115 нафар.
Эслатиб ўтамиз, Ўзбекистонда ҳозирга қадар 85 бемор соғайган, 4 нафари эса вафот этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter