Индонезияга кириш учун янги талаблар жорий этилди
Индонезия Соғлиқни сақлаш вазирлиги коронавирус билан боғлиқ вазият туфайли янги талабларни жорий этди. Унга кўра мамлакатга келувчи барча одамлар соғлиги ҳақида маълумотнома тақдим этиши шарт, дея хабар берди маҳаллий «Antara» агентлиги.
Хабарга кўра, маълумотнома Индонезия фуқароларидан ҳам, бошқа давлат фуқароларидан ҳам талаб этилади. Бундай маълумотномани чиқиб кетаётган мамлакатдан олиши зарур. У инглиз тилида ёзилган бўлиши керак, амал қилиш муддати берилгандан сўнг етти кунни ташкил этади.
Бундан ташқари, барча келувчилар карантинга олиниши, шунингдек, қўшимча тиббий текширувдан ўтказилиши қайд этилган.
Индонезия Соғлиқни сақлаш вазирлиги маълумотига кўра, мамлакатда коронавирусга чалинганлар сони 17 минг нафардан ошиб кетган, мингдан ортиқ киши вафот этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter