16 апрель куни шимолда ҳаво ҳарорати сезиларли даражада пастлаши кутилмоқда. 

«Ўзгидромет» прогнозига кўра, 16 апрель куни Қорақалпоғистон Республикаси ва Хоразм вилояти ҳудудларида тунлари ҳаво ҳарорати +5 даражагача пасаяди.

Кундуз куни эса +13 +18 даражагача салқин ҳарорат кутилади.

Республиканинг марказий вилоятларида ҳаво бироз булутли бўлади, баъзи жойларда ўзгариб туради, 14-15 апрелда баъзи жойларда ёмғир ёғади, момақалдироқ бўлиши, айрим жойларда дўл ёғиши мумкин. 16 апрелда ёғингарчилик кутилмайди. Шарқий шамол йўналишини ўзгартириб ғарбдан 7-12 м/с тезликда есади, 14 апрелда баъзи жойларда 17-22 м/с гача, Тошкент, Сирдарё вилоятларида баъзида 25-28 м/с гача кучайиши мумкин, айрим жойларда чанг-тўзонлар билан кузатилади. Ҳарорат 15 апрелда кечаси 13-18°, кундузи 20-25°, 16 апрелда кечаси 10-15°, кундузи 20-25° бўлади.

Жанубий ҳудудларда 16 апрелда кечаси 12-17°, кундузи 22-27° бўлади.

Эслатиб ўтамиз, 13-14 апрель кунлари республика ҳудудининг катта қисмида кундузги ҳаво ҳарорати 30-35 даражагача, шимолда, жанубда ва чўл ҳудудларда 37 даражагача кўтарилиши кутиляпти.