10 июн куни Ўзбекистон ва Қатар терма жамоалари ўртасида футбол бўйича Жаҳон чемпионати саралаш босқичи ўтказилиши муносабати билан Чилонзор туманидаги айрим кўчаларда соат 16:00 дан тадбир тўлиқ тугагунига қадар автотранспорт воситалари ҳаракати тўлиқ чекланади. Бу ҳақда Тошкент шаҳар ИИББ хабар берди.

Автотранспорт воситалари ҳаракати тўлиқ чекланадиган кўчалар:

• Чилонзор ва Чўпон ота кўчалари чорраҳасидан, Чўпон ота кўчаси бўйлаб, Чўпон ота — Қатортол кўчалари кесишган чорраҳасигача бўлган қисми;
• Чилонзор ва КҲАЙ кўчалари чорраҳасидан, Чилонзор кўчаси бўйлаб, Чилонзор — Муқимий кўчалари кесишган чорраҳасигача бўлган қисми;
• Бунёдкор иккинчи даражали кўчаси: КҲАЙдан — Муқимий кўчасигача бўлган қисми.

Шунингдек, тадбир давомида қуйидаги кўчаларда ҳаракат вақт-вақти билан қисман чекланади:

• Алишер Навоий — Фурқат кўчалари чорраҳасидан чекланади;
• Себзор — Ганга кўпригидан Фурқат кўчаси тунелига тушишдан чекланади;
• Зарқайнар кўчаси тунелига тушиш чекланади;
• Бунёдкор кўчаси Камолон кўприги остида чекланади;
• Бунёдкор кўчаси 2-даражали асосий йўлга чиқиш Озарбойжон элчихонаси асосий йўлига чиқишдан чекланади;
• Қатортол — Чўпонота кўчалари чорраҳасидан чекланади;
• Чилонзор — Чўпонота кўчалари чорраҳасидан чекланади;
• Бунёдкор — КҲАЙ кўчалари чорраҳасидан чекланади;
• Бунёдкор 2-даражали йўли — Қатортол кўчалари чорраҳасидан чекланади;
• Чилонзор — Чўпон ота кўчалари чорраҳасидан чекланади;
• Бунёдкор — Гавҳар кўчалари чорраҳасидан чекланади;
• ТҲАЙ — Бунёдкор кўчалари чорраҳасидан чекланади;
• Эркин ЙПХ масканидан оғир юк машиналари ҳаракати чекланади;
• Чўпонота — Шота Руставели кўчалари чорраҳасидан чекланади.