Андроид қурилмалар учун Xabar.uz мобил иловаси. Юклаб олиш ×

Коррупциявий жиноятлар статистикаси эълон қилинди (инфографика)

Коррупциявий жиноятлар статистикаси эълон қилинди (инфографика)

Фото: «anticorruption.uz»

2020 йилда содир этилган коррупция билан боғлиқ жиноятлар таҳлили асосида инфографика тайёрланди.

Судлар томонидан 2020 йил давомида коррупция билан боғлиқ (ЖК 205-214, 243-моддалари) жами 2 270 нафар шахсга нисбатан 1 502 та жиноят иши кўриб чиқилган.

Шундан 2 203 нафар шахсга нисбатан 1 457 та жиноят иши бўйича ҳукм чиқарилган.

Жумладан:

  • 80 нафар шахсга нисбатан 59 та жиноят иши бўйича оқлов ҳукми;
  • 2 123 нафар шахсга нисбатан 1 398 та иш бўйича айблов ҳукми чиқарилган;
  • 67 нафар шахсга нисбатан 45 та жиноят иши тугатилган.

Жиноятларнинг содир этилишига сабаб бўлган омиллар

  • 45 нафар шахсга нисбатан давлат харидлари билан боғлиқ қонун талабларига риоя қилинмаганлиги;
  • 45 нафар шахсга нисбатан ҳуқуқбузарликка қарши курашиш борасидаги профилактика ишлари самарали тарзда олиб борилмаганлиги;
  • 50 нафар шахсга нисбатан давлат хизматчиларини танлов асосида саралаб олиш, лавозимга тайинлаш ва юқори лавозимларга кўтаришнинг шаффоф тартибининг мавжуд эмаслиги;
  • 55 нафар шахсга нисбатан айбланувчининг соҳага тааллуқли бўлмаган хизматларга бириктирилганлиги (соҳасига тааллуқли бўлмаган хизматларда содир этилганлиги);
  • 88 нафар шахсга нисбатан шахснинг (жабрланувчи) ўз манфаати йўлида қонунни четлаб ўтишга уриниши ёки бошқа тарздаги манфаатдорлиги сабабли жиноятга йўл очиб берганлиги;
  • 99 нафар шахсга нисбатан иш ҳажмининг тўғри тақсимланмаганлиги ва малакали хизмат кўрсатилмаслиги;
  • 122 нафар шахсга нисбатан давлат органлари ходимлари мансаб ёки хизмат мажбуриятларини бажариш чоғида манфаатлар тўқнашувига олиб келадиган ёки олиб келиши мумкин бўлган шахсий манфаатдорликка йўл қўйганлиги;
  • 179 нафар шахсга нисбатан ишга қабул қилишда мансабдорнинг (ходимнинг) шахси лозим даражада ўрганилмаганлиги, айбланувчининг малака даражаси етишмаслиги (муқаддам жиноят содир этганлиги ёки содир этишга мойиллиги);
  • 262 нафар шахсга нисбатан айбланувчининг ижтимоий таъминланмаганлиги ёки адолатли меҳнат шароити ташкил этилмаганлиги;
  • 598 нафар шахсга нисбатан тизимда иш фаолияти тўғри йўлга қўйилмаганлиги, соҳада бюрократик тўсиқларнинг мавжудлиги (фаолиятнинг ўзи коррупцияга йўл очиб берганлиги);
  • 642 нафар шахсга нисбатан фуқароларнинг моддий манфаатдорлик ёки шахсий бойлик орттириш йўлида жиноятга қўл уриши каби омиллар коррупция билан боғлиқ жиноятларнинг содир этилишига имкон яратган.

 

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг