Андроид қурилмалар учун Xabar.uz мобил иловаси. Юклаб олиш ×

Метро йўлига ёш қиз тушиб кетгани акс этган видео тарқалди. ИИББ ҳодисага ойдинлик киритди

Метро йўлига ёш қиз тушиб кетгани акс этган видео тарқалди. ИИББ ҳодисага ойдинлик киритди

Бугун ижтимоий тармоқлар ва айрим интернет нашрларда Тошкент метросининг Алишер Навоий бекатида ёш қиз станцияга кириб келаётган поезд остига тушиб кетгани акс этган видео тарқалди.

Видеода қизнинг станцияга яқинлашиб келаётган поезд йўлига йиқилиб тушганини, шунингдек, унда бошқа йўловчиларнинг қичқиргани ва поезд ҳайдовчисининг сигнал бергани ҳамда тормоз овозини эшитиш мумкин.

Воқеа қачон рўй берганига ойдинлик киритилмаганди.

Ниҳоят, ушбу ҳодиса, қизнинг шахси ва унинг аҳволи ҳақида расмий маълумот берилди.

Тошкент шаҳар ИИББ матбуот хизматининг хабар қилишича, ҳодиса шу йилнинг 29 июнь куни содир бўлган. 20 ёшли Гулбаҳор Б. поезд яқинлашаётганда ҳушини йўқотган ва метро рельсига йиқилиб тушган. Электропоезд машинисти зудлик билан поездни тўхтатган ва фожиа олдини олган. Қиз йиқилиш оқибатида кичик жароҳатлар олган, холос.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг