«UzAuto Motors» шартномаcи атрофида мунозара юзага келди
Янгиланган Каптива автомобили учун шартнома тузиш бошлангандан сўнг, ижтимоий тармоқларда шартномадаги автомобиль нархи ўзгариши мумкинлиги тўғрисида келтирилган бир банд муҳокамаларга сабаб бўлди.
Блогернинг ёзишича, компания 2019 йилдаги ваъдасини унутган ҳолда, яна шартномага етказиб берилган автомобиль учун нархнинг ошиши мумкинлиги тўғрисидаги бандни қайта киритган.
Компания ахборот хизмати шартномада бир томонлама нархларни ошириш ҳақида банд йўқлигини эълон қилди.
Шартноманинг 2.4 банди илгари ҳам бўлган. Ушбу бандда келтириладики, қўшимча тўлов фақатгина автомобиль комплектацияси ўзгаргандагина амалга оширилади.
2.4.1 ва 2.4.3 бандларига кўра, агар комплектация эълон қилингандан фарқ қилса, харидор тўловни қайтариш шарти билан автомобиль харидидан воз кечиши ёки уни алмаштириш ҳуқуқига эга.
Шунингдек компания шартномага мувофиқ келтирилган компонентларга кўра автомобиль нархи ошмаслигини эслатиб ўтди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter
Изоҳлар мавжуд эмас