Статагентлик ўтган 2023 йилда Ўзбекистонда ишлаб чиқарилган унгил турдаги автомашиналар ҳақида рақамларни маълум қилди.

Унга кўра, автомобил ишлаб чиқариш саноатида 2023 йилнинг январ-декабр ойларида:

• 118 093 дона «Cobalt» (ўтган йилнинг мос даврига нисбатан 16,2 фоизга ошган);
• 82 133 дона «Gentra» (5,7 фоизга камайди);
• 546 дона «Spark» (96,2 фоизга камайди);
• 89 154 дона «Damas» (23,4 фоизга ошди);
• 48 082 дона «Tracker» (5,3 мартага ошди);
• 30 596 дона «Onix»;
• 25 586 дона махсус енгил автомобиллар (22,2 фоизга ошди).

Шунингдек, Статистика агентлиги бир неча турдаги хориж автомобилларини ҳам «Ўзбекистон Республикасида йирик корхоналар томонидан енгил автомобиллар ишлаб чиқариш» гуруҳига қўшиб санамоқда.

Жумладан:

• 9 829 дона «Chery» (23,3 мартага ошди);
• 15 036 дона «KIA» (2,5 мартага ошди);
• 91 дона «Exeed»;
• 134 дона «Haval».

Иқтисодчи Отабек Бакиров, ўз навбатида, юқорида саналган брендларга тегишли автомобиллар импорт қилиниб ёки SKD типида йиғилиб сотилишини, улар қайси методология бўйича миллий статистикага қўшилаётганини савол остига олмоқда.