«Россия тажовузкор ҳаракатларни кенгайтиришга тайёрланмоқда» — Владимир Зеленский
Владимир Зеленский Украина Россия билан урушнинг янги босқичига дуч келаётганини айтди.
«Бугун урушнинг 800-куни. Бу бизнинг давлатимиз босиб ўтиши керак бўлган жуда оғир ва машаққатли йўл. Энди биз урушнинг янги босқичини кутмоқдамиз. Россия тажовузкор ҳаракатларни кенгайтиришга тайёрланмоқда», — деди президент.
Унинг таъкидлашича, украиналиклар Россиянинг ҳужум режасини барбод қилиши ва душман ўз мақсадларига эриша олмаслигини исботлаш учун ҳамма нарсага тайёр туришлари керак.
Аввалроқ Россия мудофаа вазири Сергей Шойгу Украинага қарши урушда «шиддатни сақлаб қолиш учун» қурол ва ҳарбий техника етказиб беришни кўпайтириш кераклигини айтганди.
Урушни ўрганиш институти (ISW) экспертлари яқин ҳафталарда рус қўшинлари сезиларли тактик ютуқларга эришиши мумкинлигини билдиришганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter