Мексикада 101 нафар йўловчиси бўлган самолёт қулади
Мексиканинг Дуранго штатида 101 нафар йўловчиси бўлган «Aeromexico» авиакомпанияси самолёти ҳалокатга учради. Бу ҳақда «Korrespondent.net» хабар қилди.
Самолёт Дуранго аеропортидан Мехикога учиш чоғида қулаб тушган. Унинг ичида 97 нафар йўловчи ва тўрт нафар экипаж аъзоси бўлган.
Штат губернатори ўзининг «Твиттер»ида ҳалокат натижасида ҳеч ким ҳалок бўлмагани, 80 киши жабрланганини маълум қилган. Кейинроқ 98 киши шифохонага ётқизилгани айтилган.
Айни дамда авиаҳалокат сабаблари ўрганилмоқда. Ҳалокат жойида тезкор хизмат вакиллари ишламоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter