Ukrainaga G‘arb qurollarini sekin yetkazib berish uning «eng asosiy dushmani», deya ma’lum qildi mamlakat prezidenti Vladimir Zelenskiy. 

Davlat rahbari 31-may kuni Shvetsiya poytaxti Stokgolmda matbuot anjumani o‘tkazdi. Tadbir davomida u AQSh va boshqa G‘arb davlatlariga Ukrainaga harbiy yordam ko‘rsatgani uchun minnatdorchilik bildirdi.

Shu bilan birga, Zelenskiy yaqinda Amerika Kongressi uning mamlakatiga yana bir yordam paketini ma’qullaganini ta’kidladi. Biroq, prezidentning so‘zlariga ko‘ra, mojaro zonasiga texnika yetkazib berishni muvofiqlashtirish jarayoni parlamentda bir ovoz berish bilan cheklanmaydi.

«Ovoz berishdan keyin hali ham tasdiqlash bosqichlari bo‘lishi kerak, keyin esa etkazib berish, agar yangi jihozlar bo‘lsa, bu mashg‘ulot va hokazo. Ya’ni, paket qabul qilingan paytdan boshlab foydalanish paytigacha olti oy yoki undan ko‘proq vaqt o‘tishi mumkin», - deya tushuntirdi u.

Davlat rahbari ta’kidlaganidek, hozirda sekin qurol yetkazib berish Ukrainaning «eng muhim dushmani» hisoblanadi. Zelenskiyning qo‘shimcha qilishicha, mamlakat harbiylarini G‘arb texnikasidan foydalanishga o‘rgatish bir necha oy davom etadi. Shu bilan birga, mashg‘ulotlarni tugatgandan so‘ng, Kiyev hali ham jang maydonida qurol paydo bo‘lishi uchun bir xil vaqt kutishi kerak, deya xulosa qildi Ukraina rahbari.