Zambiya prezidentiga jodu qo‘llashda ayblanganlar sud qilinmoqda
Zambiya prezidenti Hakainde Hichilema.
Zambiya prezidentiga ziyon yetkazish maqsadida jodu bilan shug‘ullanish va tumor saqlaganlikda ayblangan ikki erkak sudga tortildi, deb xabar berdi CBS.
Ushbu voqea Janubiy Afrikaning ayrim joylarida sehr-joduning turli shakllariga ishonch hamon saqlanib qolgani va u jinoiy tus olganidan dalolat beradi, deb yozdi nashr.
Sud jarayonida siyosiy o‘yinlar yaqqol aks etib turibdi. Prokurorlarga ko‘ra, ikki jodugar-ayblanuvchini hozir qochqinda yurgan sobiq deputat Emmanuel Bandaning ukasi yollagan. Maqsad Zambiya prezidenti Hakainde Hichilemaga ziyon yetkazish bo‘lgan. Prezidentning o‘zi voqeaga munosabat bildirmadi.
Zambiyadagi ayrim siyosatchilar va jamoat arboblari sehr-joduga va uning yordamida kuchliroq va mashhurroq bo‘lish mumkinligiga ishonishadi.
Hichilemaning o‘zi ham muxolifi — sobiq prezident Maykl Sata bilan saylovdagi poygada jodu qo‘llashda gumon qilingan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter