Zalujniy prezident Zelenskiyning bayonotini inkor etdi
Ukraina Qurolli Kuchlari qo‘mondonligi prezident Vladimir Zelenskiyga 500 ming kishini safarbar qilish bo‘yicha so‘rov bilan chiqmagan.
Bu haqda bosh qo‘mondon Valeriy Zalujniy ma’lum qildi.
Harbiy qo‘mondonlik davlatni himoya qilish funksiyalarini bajarishda davom etmoqda va shunga mos ravishda o‘z so‘rovlarini shakllantiradi.
Shu bilan birga, Ukraina Qurolli kuchlari bosh qo‘mondoni harbiy sirlarga tayangan holda, Qurolli kuchlar rahbariyati tomonidan o‘rnatilgan safarbarlik rejasining aniq raqamlarini oshkor qilishdan bosh tortdi.
Bundan tashqari Zalujniy rus armiyasi Donetskdagi Marinka shahrini egallaganini tasdiqladi.
Eslatib o‘tamiz, avvalroq Vladimir Zelenskiy katta matbuot anjumanida unga 450-500 ming kishini armiyaga yuborish bo‘yicha so‘rov kelib tushganini aytgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter