Yangi Kaledoniya Fransiyadan mustaqil bo‘lish uchun referedum o‘tkazdi
Fransiyaning dengizorti hududi — Yangi Kaledoniyada mustaqillik uchun referendum bo‘lib o‘tdi.
Yangi Kaledoniya mustaqilligini istovchilar atigi 3,51 foizni tashkil etdi. Qarshi ovoz berganlar —96,5 foiz. Referendum byulletenlarining 2,99 foizi bekor qilingan.
Refernedumda arxipelagning atigi 55 foiz aholisi qatnashdi.
Fransiya prezidenti Emmanul Makron referendum natijalariga munosabat bildirarkan, o‘z videomurojaatida Yangi Kaledoniya fransuzlarniki bo‘lib qolishini, referendumdan so‘ng arxipelagda «o‘tish davri» boshlanishini ta’kidladi.
Ma’lumot uchun: Tinch okeani janubida joylashgan Yangi Kaledoniya — o‘nlab orollardan tashkil topgan arxipelag. Umumiy maydoni — 16 372 kvadrat kilometr. Aholisi — 271 960 kishi (2020-y.). Parijdan 15 ming kilometr olisda joylashgan, 1853-yilda Fransiya imperiyasi tarkibiga kirgan. 1946-yilda Fransiyaning dengizorti hududi maqomini olgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter