Yana bir mamlakat JSSTni tark etmoqda
Argentina prezidenti Xavyer Miley mamlakatni Jahon sog‘liqni saqlash tashkiloti (JSST)dan chiqarishga buyruq berdi. Bu haqda hukumat rasmiy vakili Manuel Adorni ma’lum qildi.
«Sizlarga shuni ma’lum qilmoqchimanki, Argentina prezidenti Xavyer Miley tashqi ishlar vaziri Herardo Verteynga Argentinani Jahon sog‘liqni saqlash tashkiloti tarkibidan chiqarish bo‘yicha ko‘rsatma berdi», — dedi Adorni matbuot anjumanida.
Argentina JSSTni tark etishiga birinchi navbatda COVID-19 pandemiyasi davrida sanitariya siyosati borasida yuzaga kelgan keskin kelishmovchilik sabab bo‘lgani aytilmoqda.
Eslatib o‘tamiz, yanvar oyida AQSh JSSTni tark etgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter