Xitoyda suv toshqini natijasida uch kishi halok bo‘ldi
Xitoyning Guychjou vailoyati janubi-g‘arbida kuchli suv toshqinlari natijasida uch kishi halok bo‘ldi, 10 ming kishi xavfsiz joyga ko‘chirildi, deya xabar berdi «Sinxua» agentligi.
Ta’kidlanishicha, suv toshqini, ayniqsa, Tunszi va Yanxe tumanlarida avjiga chiqqan. Kuchli suv toshqini Tunszida aholi turar joylarini oqizib ketgan, uch kishi halok bo‘lgan. Mahalliy hokimiyat yordam sifatida 2 million yuan (taxminan 283 ming dollar), vaqtinchalik palatka va kiyim-kechaklar ajratgan.
Dushanba kuni tongdan seshanba kuni tonggacha Guychjou viloyatining shahar va tumanlarida jala quygan. Ma’murlar viloyatning 86,4 foiz hududida ob-havo xavfini e’lon qildi. Meteorologlar yomg‘ir yog‘ishi davom etishini taxmin qilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter