Venesueladagi plantatsiyada odamlar yonib ketdi
Venesuelada qamish plantatsiyasida yong‘in oqibatida 12 kishi hayotdan ko‘z yumdi, 13 kishi jarohatlandi, deb yozadi «El Pitazo» portali.
Fojia mamlakat shimolidagi Aragua shtatida, Los-Ranchos-de sektorida joylashgan qamishzorda sodir bo‘lgan. 12 kishi shiddatli ravishda tarqalgan alanga ichida qolib ketgan. Yana 13 kishi turli darajada kuyish jarohatlari bilan shifoxonaga yetkazilgan. Achinarlisi, ular orasida uch nafar o‘spirin ham bor.
Hodisa joyida qutqaruv xizmati ishlashda davom etmoqda, yong‘in sabablarini aniqlashga urinmoqda. Halok bo‘lganlarning shaxsiga aniqlik kiritilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter