Vaksina foydasizligiga ishonmang — JSST
Jahon sog‘liqni saqlash tashkiloti koronavirusning qayta yuqishi ehtimoli mavjudligini inkor etmagan holda holda vaksina foydasiz degan xayolga bormaslikka chaqirdi.
Live Q&A on #mentalhealth & #COVID19 with @mvankerkhove and Devora Kestel. #AskWHO https://t.co/VLc6a5X6K2
— World Health Organization (WHO) (@WHO) August 26, 2020
Bu haqda «Twitter»da o‘tkazilgan onlayn-brifingda JSST favqulodda kasalliklar texnik guruhi rahbari Mariya Van Kerkxove bayonot berdi.
«Bu (virusning qayta yuqishi — tahr.) biz vaksina uchun qilayotgan ishlarni o‘zgartirmaydi. Odamlar bu bilan vaksina befoyda degan xayolga borishyapti. Ammo unday emas. Biz vaksina ishlab chiqishda davom etamiz. Bu borada juda yaxshi o‘sishga erishdik... Virus qayta yuqishi holatlarini ehtimol ko‘rishimiz mumkin, ammo bizda odamlarga kasallik yuqishining oldini oladigan usullar bor», — dedi Van Kerkxove.
JSST rasmiysi Margaret Harrisning ma’lum qilishicha, COVID-19 ga qarshi vaksinalar tabiiy immunitetdan ko‘ra barqarorroq immunitet hosil qiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter