Ukraina: Rossiya qaqshatqich yo‘qotishlarga uchradi
Ukraina Bosh shtabi ma’lumotlariga ko‘ra, ikki kunlik osoyishtalikdan so‘ng Rossiya armiyasi Donetsk viloyatidagi Avdeyevka hududida hujumlarni qayta boshlagan.
«Avdeyevka yo‘nalishida dushman hujum operatsiyalarini qayta boshladi va hududni o‘rab olishga urinishlardan voz kechmayapti», deb yozadi Ukraina harbiylari.
Ukraina Qurolli Kuchlari ma’lumotlariga ko‘ra, so‘nggi 24 soat ichida frontning butun uzunligi bo‘ylab Rossiyaning 120 ta zirhli texnikasi, 55 ta tanki va 29 ta artilleriya tizimi yo‘q qilingan. (Ushbu ma’lumotni aniq tasdiqlashning iloji yo‘q)
Bundan tashqari, Ukraina Bosh shtabi rossiyalik xizmatchilarning katta miqyosdagi yo‘qotishlarini e’lon qildi: kuniga, uning hisobotiga ko‘ra, rossiyalik qurbonlar 1380 kishini tashkil etdi.
Rossiya Mudofaa vazirligi Avdeyevka hududidagi vaziyat haqida hozircha xabar bermagan. Kremlga yaqin nashrlar esa faqat Ukrainaning yo‘qotishlari haqida bong urmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter