Ukraina yetkachisi Volodimir Zelenskiy bugun, 10-oktyabr kuni ertalabdan bir qator markaziy shaharlar, jumladan, Kiyevga uyushtirilgan havo hujumlari oqibatida qurbon bo‘lganlar va yaradorlar borligini ma’lum qildi.

«To‘liq miqyosli urushning 229-kuni. 229-kunda ular bizni yo‘q qilishga va yer yuzidan o‘chirishga harakat qilmoqdalar. Butunlay. Zaporojeda uyida uxlayotgan odamlarimizni yo‘q qiling. Dnepr va Kiyevga ishlash uchun ketgan odamlarni o‘ldiring!

Ukraina bo‘ylab havo hujumi to‘xtamayapti. Raketa zarbalari berilyapti. Afsuski, qurbonlar va yaradorlar bor. Sizdan iltimos qilaman: boshpanalarni tark etmang. O‘zingizga va yaqinlaringizga g‘amxo‘rlik qiling. Keling, sabr qilamiz va kuchli bo‘lamiz», – deydi Zelenskiy.

Ukraina IIV rahbari maslahatchisi Anton Gerashchenko Kiyevdagi zarbalar oqibatida besh kishi halok bo‘ldi, yana 12 kishi yaralangani haqidagi faktni e’lon qildi.

Ijtimoiy tarmoqlarda Kiyev markaziga berilgan raketa zarbalari oqibatlari tasvirlangan videolar tarqalmoqda.

Ayni paytda Kiyevda metro stansiyalari faoliyati to‘xtatilgan. Ular bombapanoh sifatida foydalanilishi ma’lum qilindi. Kiyev aholisi shahar metrosi ichida yashirinishga majbur bo‘lishyapti.

Poytaxt meri Klichko Kiyev aholisini iloji bo‘lsa shaharga bormaslikka, chekka hududlar aholisini esa poytaxtga bormaslikka chaqirdi.

Ukraina ommaviy axborot vositalari Kiyev, Lvov va Dnepropetrovskda yangi portlashlar haqida xabar bermoqda.