Turkiyada TikTokka qarshi yangi taqiq joriy etildi
Turkiya harbiy xizmatchilariga TikTok ijtimoiy tarmog‘idan foydalanish taqiqlandi. Bu haqda Sabah gazetasi xabar bermoqda.
TikTokni taqiqlash Turkiya parlamenti Milliy mudofaa komissiyasi tomonidan ma’qullangan. Taqiq Turkiya qurolli kuchlari a’zolariga oid bir qancha qonunlarga o‘zgartirish kiritish to‘g‘risidagi loyihada mavjud.
10 may kuni Turkiya parlamentining Raqamli media komissiyasi rahbari Husayn Yayman TikTokni mamlakatda bloklanishi ehtimolini o‘rtaga tashlagandi.
Ijtimoiy tarmoqni cheklash ehtimoli uning «turk oilasi poydevoriga dinamit qo‘ygani» haqidagi iddaolar bilan bog‘liq. Turkiya parlamentida so‘zlagan Yayman Turkiyaning siyosiy hayotiga salbiy ta’sir ko‘rsatadigan «trollar» xavfi haqida gapirdi. Ijtimoiy tarmoq vakillari avvalroq Turkiya parlamenti a’zolariga javob qaytargan, biroq ularni bu javoblar qoniqtirmagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter