Tsyurix hayvonot bog‘ida yo‘lbars 55 yoshli ayolni g‘ajib tashladi
Shanba kuni Syurix hayvonot bog‘i xodimi amur yo‘lbarsi hujumi natijasida olgan halokatli jarohatlari tufayli vafot etdi. Bu haqda «Le Matin» xabar bergan.
Nashrning yozishicha, yirtqich hayvon volerda 55 yoshli ayolga hujum qilgan. Voqea joyiga yetib kelgan qutqaruvchilar yo‘lbarsni chalg‘itib, ayolni volerdan chiqarib olishga muvaffaq bo‘lishgan. Biroq shifokorlar har qancha urinishmasin, ayolning hayotini saqlab qolisholmadi.
Politsiya tergov harakatlarini boshlab yubordi. Huquqni muhofaza qilish organlari xodimlari yo‘lbars bilan ayol nima uchun bir vaqtda volerda bo‘lib qolganini aniqlashmoqchi.
Hodisa guvohiga aylangan hayvonot bog‘i xodimlari va tashrif buyuruvchilar uchun psixologik yordam guruhlari tashkil etildi.
Hozirda Syurix hayvonot bog‘ida 4-5 yoshlardagi ikkita amur yo‘lbarsi bor.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter