Tel-Avivda isroilliklar namoyishga chiqdi. Ular Benyamin Netanyaxudan HAMAS bilan kelishuvga erishishni va garovga olinganlarni uylariga qaytarishni talab qilmoqdalar.

Chorshanba kuni Tel-Avivda yuzlab isroilliklar Benyamin Netanyaxu hukumatidan garovga olinganlarni ozod qilish uchun HAMAS bilan kelishuvga erishishni talab qilib, namoyishga chiqdi.

Shuningdek, ular Bosh vazirdan o‘zining yaqinda omma oldida qilgan bayonotida «garovga olinganlar azob chekmoqda, lekin o‘lmaydi» degan bayonotini darhol tushuntirishini talab qilmoqdalar.

«Biz hozir bu yerda, Mudofaa vazirligi bazasi oldida, barcha odamlar qaror qabul qiladigan joy oldida turibmiz, – deydi amakivachchasi Ofer Kalderon HAMAS tomonidan asirda ushlab turilgan fuqaro. – Bu masalada qaror qabul qiladigan odamlarning barchasi shu yerda. Mudofaa vaziri va barcha xavfsizlik xizmatlari bizga bu kelishuvni hozir amalga oshirish to‘g‘ri bo‘lishini aytishmoqda. Va biz buni hozir qilmasak, keyin imkoni bo‘lmaydi: ularni tirik ko‘rmaymiz. U (Netanyaxu) kelishuvni shu mamlakatning kelajagi, shu jamiyatning ertasi uchun qilishi kerak».

Ayni kunlarda Isroil delegatsiyasi o‘t ochishni to‘xtatish bo‘yicha muzokaralarni davom ettirish uchun Misrga yetib kelgan. Tomonlar so‘nggi qarorni qabul qilish masalalarini ko‘rib chiqmoqda.

Xalqaro vositachilar esa Isroil va HAMASni janglarni to‘xtatish va G‘azo sektorida harakat a’zolari tomonidan garovga olingan 120 ga yaqin isroillikni ozod qilish bo‘yicha kelishuvga erishishga undamoqda.