Superto‘fon Vetnamdagi butun boshli qishloqni yuvib ketdi
Ma’lumki, shu yilning 6-sentyabrida Yagi superto‘foni Xitoyning Xaynan provinsiyasiga, so‘ngra Vetnamga yopirilgan edi. So‘nggi ma’lumotlarga ko‘ra, tabiiy ofat qurbonlari soni 143 nafargacha oshgan.
58 kishi bedarak yo‘qolgan, 700 dan ortiq odam turli darajadagi jarohatlar olgan.
«Kommersant» yozishicha, favqulodda suv toshqini Vetnam shimolidagi qishloqni butunlay yuvib ketganidan so‘ng qurbonlar soni keskin oshgan.
Mamlakat qishloq xo‘jaligi vazirligi tabiiy ofat taxminan 210 ming gektar ekin maydonidagi hosilni nobud qilganini ma’lum qildi.
6-sentyabrdagi Yagi to‘fonining doimiy maksimal tezligi soatiga 230 kilometrni tashkil qilgan. Bu qudrati bo‘yicha ikkinchi o‘rinda turuvchi tropik siklon — 4-toifali bo‘ronga tengdir. Faqatgina Atlantikada yuzaga kelgan Berill bo‘roni (5-toifa) Yagidan qudratli.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter