Shoh Rizo Pahlaviy mumiyosi topildi
Mumiyo Tehron janubidagi Shoh Ray shahrida bir maqbaraning barpo etilishida topilgan. Pahlaviyning Shoh Raydagi maqbarasi 1979-yilgi to‘ntarishlarda buzib tashlangan, lekin qabrdagi mo‘miyo topilmagan edi. Bu haqda «Hurriyet» xabar bermoqda.
Rizo Pahlaviyning AQShda yashaydigan nabirasi mumiyoning bobosiga tegishli ekanini tan oldi.
Bobosining ismi berilgan Rizo Pahlaviy eronlik mutasaddilarga mumiyoni Erondan tashqariga olib chiqib ketmaslikni tavsiya qildi.
Tehron Madaniy meros qo‘mitasi boshlig‘i ham mumiyo shoh Rizo Pahlaviyga oid ekanini aytgan.
Harbiy qo‘mondon bo‘lgan Rizo Pahlaviy 1921-yilda mamlakatda to‘ntarish qilgan va 1925-yilda Eron shohi bo‘lgan. Shu davrdan Pahlaviylar sulolasiga asos solgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter