Salkam 100 yoshli ayol koronavirusni yengdi
Uxanda (Xitoy) koronavirusga chalingan 98 yoshli ayol davolanib, kasalxonani tark etdi, deb xabar berdi «Sinxua».
Xu familiyali bu ayol COVID-19ni yenggan dunyodagi keksa insonga aylandi.
Agentlik xabariga ko‘ra, ayol kasalxonaga keltirilganida ahvoli og‘ir, issig‘i baland edi. U bilan birga koronavirusni yuqtirgan 55 yoshli qizi ham shifoxonaga keltirilgan.
Har ikki ayol virusga qarshi dori-darmonlarni qabul qilish kurslarini o‘tishganidan keyin o‘zlarini yaxshi his qilishgan. Ko‘p o‘tmay 98 yoshli ayolga uyiga javob berilgan.
Shifokorlarning ta’kidlashlaricha, kishi to‘liq tuzalib ketdimi yoki virus hali tirikmi — aniqlash ancha qiyin, chunki bemorlar holati yaxshilanganidan keyin olingan birinchi analizlar ijobiy natija beradi.
Eslatib o‘tamiz, yangi turdagi koronavirus 2019 yilning dekabrida Xitoyning Uxan shahrida ilk marta aniqlangandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter