Qozog‘istonda yo‘lovchi samolyot halokatga uchradi. Qurbonlar bor (video)
Qozog‘istonning Almati shahridagi xalqaro aeroportning Feysbukdagi sahifasi tomonidan xabar qilinishicha, «Bek Eyr» aviakompaniyasiga qarashli samolyot aerodrom hududidan tashqarida halokatga uchragan.
Bugun, erta tongda, mahalliy vaqt bilan soat 07:22da samolyot uchib ketish chog‘ida balandlikni yo‘qotgan va beton to‘siqni buzib o‘tib, ikki qavatli binoga borib urilgan. Halokat chog‘ida yong‘in kelib chiqmagani xabar qilinmoqda.
O‘sha vaqtning o‘zidayoq tezkorlik bilan qutqaruv ishlari boshlanib ketgan. Bir soat avvalgi xabarlarga ko‘ra 7 kishi vafot etgani aytilmoqda. Maxsus komissiya tomonidan halokat sabablari o‘rganilmoqda.
Halokat vaqtida samolyot bortida 95 yo‘lovchi va 5 nafar ekipaj xodimlari bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter