Qozog‘istonda Qurbon hayiti onlayn formatda o‘tkaziladi
Qozog‘istonda Qurbon hayitini nishonlash va qurbonlik qilish marosimi onlayn tarzda bo‘lib o‘tadi. Bu haqda Olmaota shahrining bosh sanitariya shifokori Jandarbek Bekshin Mintaqaviy aloqa xizmatining matbuot anjumanida aytib o‘tdi, deb yozadi zakon.kz.
Qurbon hayitini nishonlash 20iyulga to‘g‘ri keladi. Ommaviy tadbirlarni o‘tkazish bo‘yicha cheklovlar tufayli mamlakatdagi masjidlar yopiladi, ammo Qurbon hayiti bayrami uyda yoki onlayn bo‘lsada o‘tkaziladi. Musulmonlar o‘z ehsonlarini onlayn platforma orqali amalga oshirishi imkoni yaratiladi.
O‘tgan yilgi bayram ham karantin sharoitida o‘tkazilgandi.
Eslatib o‘tamiz, kecha Moskvadagi masjidlarda ham Qurbon Hayiti namozi o‘qilmasligi, marosimlar onlayn o‘tkazilishi xabar berilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter