Qirolicha Yelizaveta II 96 yoshida vafot etdi
Qirolicha Yelizaveta II 96 yoshida Shotlandiyadagi Balmoral qasrida vafot etdi. Bu haqda Bukingem qasri rasman xabar berdi.
2022-yilning 6-fevral sanasida Yelizaveta II taxtga o‘tirganiga 70 yil to‘lgan, keyinchalik u uzoq hukmronlik qilish bo‘yicha tarixdagi ikkinchi monarxga aylangandi. Yelizaveta otasi Georg VI vafot etgan kun — 1952-yilning 6-fevralida britan qirolichasiga aylangan.
2022-yilda Britaniyada Yelizaveta II ning «platina yubileyi» nishonlangandi.
Yelizaveta II qirolichalik davrida 100 dan ziyod mamlakatga tashrif buyurgan, 21 mingdan ortiq tadbirda qatnashgan. 4 mingta qonunga qirollik sanksiyasini bergan, Londonga davlat tashrifi bilan kelgan 112 nafar davlat rahbarini qabul qilgan. Uning hukmronligi davrida Buyuk Britaniyada 15 nafar bosh vazir, AQShda 14 nafar prezident almashgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter