Oq uy Trampning niqob taqishi shartmasligini izohladi
AQSh prezidenti Donald Tramp niqob taqmasligi mumkin. Negaki, uni tinmay koronavirusga tekshirishadi. Bu haqda Oq uy apparati rahbari Mark Midous seshanba kuni jurnalistlarga ma’lum qildi.
«Prezident Amerikada virusga eng ko‘p tekshiriladigan odam hisoblanadi. Ehtimol, men Amerikada eng ko‘p tekshiriladigan ikkinchi odam bo‘lsam kerak. Niqob taqsangiz, o‘zingizni emas, atrofdagilarni himoya qilasiz. Shunday ekan, prezidentning niqob taqishiga ehtiyojni ko‘rmayabman», — dedi u.
Tramp butun pandemiya davomida bor-yo‘g‘i bir marta odamlar oldiga niqob taqib chiqdi. Shunday bo‘lsa-da, u doimo o‘zi bilan birga niqob olib yuradi. Boshqa odamlarning yoniga borganda albatta uni taqib oladi. U niqobni yoqtirmasligini aytgan. Chunki unga prezidentning niqobdagi ko‘rinishi yoqmaydi.
Tadbirlar va matbuot anjumanlarida Tramp hech qachon niqobda chiqmagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter