Nufuzli «Time» jurnali o‘quvchilari yil odamini tanlashdi
![Nufuzli «Time» jurnali o‘quvchilari yil odamini tanlashdi](https://static.xabaruz.com/crop/1/7/720_460_95_1717166991.jpg)
Nufuzli «Time» jurnali o‘quvchilari yil odamini tanlashdi — Braziliya prezidenti Jair Bolsonaru hammadan ko‘p ovoz (24 foiz) to‘pladi.
9 milliondan ortiq o‘quvchilar ovoz berishda qatnashdi: ular yilga eng ko‘p ta’sir (yaxshi yoki yomon) o‘tkazgan odamlar yoki guruhlarni aniqlashdi.
![](https://xabar.uz/static/uploads/44/720__mm3WMlmtXLfnqn8z0pBPnTShAEOxz9pk.jpg)
Pandemiya yilida «Braziliya Trampi» eng ko‘p ovozni to‘plashi e’tiborga molik hodisa. Emlashlarga tish-tirnog‘i bilan qarshi Bolsonaru vaksina qabul qilganlar «timsoh»ga aylanib qolishini aytishdan ham toymagan. Umuman olganda, Bolsonaru havas qilgulik ahvolda emas: mamlakat iqtisodiyoti o‘tirib qolgan, prezident ustidan esa COVID-19ga qarshi kurash kampaniyasini barbod qilganlikda ayblab jinoyat ishi ochishni rejalashtirishmoqda. Shuncha muammo, tanqidlarga qaramay, Bolsonaru 2022-yilda ikkinchi muddatga ham prezidentlikka nomzodini ilgari surish niyatida.
![](https://xabar.uz/static/uploads/44/720__ZvpeHEjHTtcsF7UVZwAeJ75f9mCoftrg.jpg)
Darvoqe, navbatdagi saylovda (AQSh prezidentligi uchun) qatnashishni rejalashtirayotgan haqiqiy Donald Tramp «Time» so‘rovnomasida ikkinchi o‘rinni egalladi — ovozlarning 9 foizi. Bu qaysar siyosatchilar keyingi muddatda ham o‘z mamlakatlarini boshqarishsa ajablanmaymiz.
![](https://xabar.uz/static/uploads/44/720__yqiZb1D6HR1C1532sxGQo7PAXof4ffkR.jpg)
Uchinchi o‘rinda — kovidga qarshi kurashgan tibbiyot xodimlari (6,3 foiz).
![](https://xabar.uz/static/uploads/44/720__oJPT5XrDYOk3K-TaXiooLYxHO4ukkK5D.jpg)
To‘rtinchi o‘rinda — rossiyalik yurist va korrupsiyaga qashi kurash bo‘yicha faol Aleksey Navalniy (6 foiz).
![](https://xabar.uz/static/uploads/44/720__-3Ib3dG0GDL9E1AX7YF2IXOA6lE63y25.jpg)
Beshinchi o‘rinda — COVID-19ga qarshi vaksina ishlab chiqqan olimlar (5,3 foiz).
«Time» muharrirlari tanlagan «2021-yil odami» dekabr oyida e’lon qilinishi kutilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter