Milanda dahshatli aviahalokat yuz berdi
Bugun, 3 oktyabr kuni Italiyaning Milan shahrida Pilatus Pc-12 samolyoti ta’mirlanayotgan bino ustiga qulab tushgan. Bu haqda Rai News xabar berdi.
Bortida 8 kishi bo‘lgan mazkur samolyot qulashi oqibatida ularning barchasi halok bo‘lgan, orasida yosh bola ham bo‘lgan.
Xabarga ko‘ra, samolyot binoga urilgach, yona boshlagan, yong‘in binoga va uning atrofidagi bir necha mashinalarga ham o‘tgan. Voqea joyiga qutqaruvchilar, shifokorlar, o‘t o‘chiruvchilar, politsiya yetib kelgan.
Pilatus Pc-12 samolyoti Linate aeroportidan uchib, Sardiniyaga yo‘l olgandi. Ayrim manbalarga ko‘ra, bortda Fransiya va Germaniya fuqarolari ham bor edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter