Maksim Galkinning Qozog‘istondagi konsertlari bekor qilindi
Qozog‘istonda rossiyalik san’atkor Maksim Galkinning konsertlari bekor qilindi. Bu haqda Life nashri xabar bermoqda.
Konsertning bekor qilinishiga texnik sabablar ro‘kach qilingan. Galkinning konserti 8-oktyabr kuni Ostonadagi Qozog‘iston markaziy konsert zalida bo‘lib o‘tishi kerak edi. Biroq manbaga ko‘ra, 4-oktabrdan 10-oktabrgacha binoda suv ta’minoti tarmoqlarida texnik ishlar olib boriladi.
Galkinning navbatdagi chiqishi 9-oktyabr kuni Olmaotadagi Respublika saroyida bo‘lib o‘tishi kerak edi. Nashr ta’kidlaganidek, 1-oktyabr kuni konsert zalining ma’muriyati avariya holati tufayli yopilishini ma’lum qilgan. Rahbariyatga ko‘ra, ta’mirlash ishlari taxminan ikki hafta davom etadi.
28-avgust kuni Galkinning Tallinda o‘tkazilishi rejalashtirilgan konserti bekor qilingani ma’lum bo‘lgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter