Mag‘lubiyat nimaligini bilmagan bokschi 24 yoshida hayotdan ko‘z yumdi
Amerikalik professional bokschi Trevell Mezion yo‘l-transport hodisasi natijasida halok bo‘ldi, deya xabar berdi «TMZ».
Biror marta ham yengilmagan sportchi 24 yoshida hayotdan ko‘z yumdi. Mezionning avtomobili qarama-qarshi yo‘nalishga chiqib ketib, «Nissan Sentra»ni urib yuborgan, so‘ng «Honda Pilot»ga to‘qnashgan. Bokschi voqea joyida halok bo‘lgan. Yana bir jabrlanuvchi — «Honda Pilot»ning 61 yoshli haydovchisi olgan jarohatlari natijasida shifoxonada vafot etgan.
Politsiya ikki kishining o‘limiga sabab bo‘lgan yo‘l-transport hodisasini tekshirmoqda. Mezion boshqaruvidagi «Cadillac» nima uchun qarama-qarshi yo‘nalishga chiqib ketgani hali aniqlanmadi.
Mezion o‘zining oxirgi jangini 58 soniyada yakunlagan. 2020-yil yanvar oyida Fernando Kastanedani nokautga uchratgan. Professional boksda amerikalik mag‘lubiyat nimaligini bilmagan. Uning hisobida 17 ta jang va 17 ta g‘alaba bor.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter