Krokusdagi terakt oqibatida olti nafar bola halok bo‘ldi, yana yetti nafari jabrlandi. Vafot etganlarning umumiy soni 145 kishiga yetdi.

«Krokus Siti Xoll»dagi terakt oqibatida halok bo‘lgan bolalar soni olti nafarga yetdi, deya ma’lum qildi Prezidentning bolalar huquqlari bo‘yicha komissari Mariya Lvova-Belova. Avvalroq Moskva viloyati Favqulodda vaziyatlar vazirligi besh nafar bola halok bo‘lgani, yana 15 nafari jarohatlangani haqida xabar bergan edi.

«Ayni damda bizda olti bola halok bo‘lgani va yetti nafar yaralangani haqida ma’lumot bor», — dedi Lvova-Belova. Uning so‘zlariga ko‘ra, jabrlanganlarning ikki nafarining ahvoli og‘ir, uch nafarining ahvoli o‘rtacha, yana ikki nafarining ahvoli ambulatoriya sharoitida davolanmoqda. Shifokorlar ularning sog‘lig‘i haqida ijobiy prognozlar bildirishmoqda, deya qo‘shimcha qildi ombudsman.

Shunday qilib, terakt oqibatida halok bo‘lganlarning umumiy soni 145 kishiga yetdi. Avvalroq Moskva viloyati Favqulodda vaziyatlar vazirligi 144 kishi halok bo‘lgani va 551 kishi yaralangani haqida xabar bergan edi.