Isroilning G‘azoga bergan oxirgi zarbalarida 39 kishi halok bo‘ldi
Isroil Qurolli kuchlari (SAXAL) tomonidan G‘azo sektoriga uyushtirilgan so‘nggi havo zarbalari natijasida kamida 39 kishi halok bo‘ldi.
G‘azo Sog‘liqni saqlash vazirligining ma’lum qilishicha, 2025-yil 18-martdan buyon davom etayotgan harbiy operatsiyalar natijasida anklavda halok bo‘lganlar soni 2 300 nafardan oshgan, jarohat olganlar esa 6 000 nafardan ko‘proqni tashkil etmoqda.
Ma’lum qilinishicha, Isroil tomoni 18-mart kuni “HAMAS Amerika tomoni taklif qilgan o‘t ochishni to‘xtatish va garovdagi shaxslarni ozod qilish bo‘yicha rejani rad etgani”ni asos qilib, harbiy harakatlarni qayta boshlagan.
Ayni vaqtda mintaqadagi gumanitar vaziyat jiddiy ravishda yomonlashib bormoqda. Xalqaro tashkilotlar tinch aholi qurbonlari soni ortib borayotganini ta’kidlab, zudlik bilan otishmalarni to‘xtatishga chaqirmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter