Haj safari boshlanadigan sana ma’lum qilindi
Bugun, 3 iyun kuni «Haj – 2022» mavsumiga tayyorgarlik ko‘rish yuzasidan brifing bo‘lib o‘tdi. Unda haj safari boshlanish kuni ham ma’lum qilindi.
O‘zbekiston ziyoratchilari shu yil 18 iyun kuni «Uzbekistan Airways»aviakompaniyasining so‘nggi rusumdagi zamonaviy havolaynerlari orqali Saudiya Arabistoniga parvoz qiladi. Muborak safarga jo‘nash aviaqatnovlari shu yil 30 iyunga qadar davom etadi.
Ziyoratchilarimiz mamlakatimizning 7 ta hududi – Toshkent, Namangan, Samarqand, Qarshi, Buxoro, Urganch va Nukus shaharlaridan tashish reja qilingan.
Barcha reyslar to‘g‘ridan-to‘g‘ri Madina shahriga amalga oshiriladi.
Ma’lumot uchun, joriy yil 14-31 iyul kunlari esa ziyoratchilarimiz ushbu mamlakatdan yurtimizga olib kelinadi.
Avvalroq «Haj-2022» mavsumi uchun 1 nafar ziyoratchiga belgilangan to‘lov miqdori ma’lum qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter