Erdo‘g‘on Shvetsiyaning NATOga kirishi bo‘yicha bayonot berdi
Turkiya hukumati NATOning ochiq eshiklar siyosatiga amal qilishda davom etmoqda, deya ma’lum qildi Turkiya prezidenti Rajab Toyyib Erdo‘g‘on.
Uning so‘zlariga ko‘ra, shunga qaramay, rasmiy Anqara Shvetsiyaning ittifoqqa qo‘shilishini qo‘llab-quvvatlay olmaydi.
«Biz NATOning ochiq eshiklar siyosatini qo‘llab-quvvatladik. Biz Finlyandiyaning a’zoligini tasdiqladik. Lekin biz terrorchilarni olqishlaganlarni ma’qullay olmaymiz. Shvetsiyadan o‘z majburiyatlarini bajarishini kutamiz», deb tushuntirdi Erdo‘g‘on.
U, shuningdek, Shvetsiya atrofidagi vaziyat iyul oyida Litvada bo‘lib o‘tadigan NATO sammiti doirasida muhokama qilinishini qo‘shimcha qildi.
Eslatib o‘tamiz, yil boshida Shvetsiyada Qur’oni Karimning Turkiya elchixonasi oldida yoqib yuborilishi munosabatlarni keskinlashtirdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter