Dunyoning eng keksa ayoli: «Uzoq umr ko‘rish balki inson uchun jazodir»
Angliyaning «Daily Mail» portali dunyodagi eng keksa ayol Chechenistonda yashovchi 129 yoshli Koku Istanbulova ekanini qayd etdi. Bu haqda «Sabah» xabar bermoqda.
Mahalliy matbuotga intervyu bergan ayol: «Bunday ko‘p yashashning siri nimadaligini o‘zim ham bilmayman. Yana bir necha kundan keyin tug‘ilgan kunimni nishonlayman. Bilmayman, uzoq umr ko‘rish balki inson uchun jazodir», degan.
Uning pasportiga 1889 yil 1 iyunda tug‘ilganligi yozilgan. Koku Istanbulova Ikkinchi jahon urushi tugaganida 55, SSSR parchalanganida esa 102 yoshda edi.
Koku Istanbulova Ikkinchi jahon urushini yaxshi xotirlaydi. U o‘sha paytda Qozog‘iston va Sibirga surgun qilingan ekan. Shu bois u mudom qayg‘uda yashaganini aytadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter