Dunyodagi eng yirik aysberg parchalanishni boshladi
![Dunyodagi eng yirik aysberg parchalanishni boshladi](https://static.xabaruz.com/crop/3/4/720_460_95_3450856178.jpg)
Dunyodagi eng yirik A-68 aysbergidan 175 kvadrat kilometrga teng bo‘lak ajralib chiqdi. «Sentinel-1» yo‘ldoshidan olingan suratlarni o‘rgangan Suonsi universiteti olimlari shunday xulosaga kelishdi.
«Taxminimizcha, aysbergning muqarrar parchalanish jarayoni boshlangan, ammo keyingi bo‘laklarni ko‘rishimiz uchun yillar kerak», — deyishgan olimlar.
Ta’kidlanishicha, ushbu aysberg (A-68)ning o‘zi Larsen muzligidan 2017-yil iyul oyida ajralib chiqqan bo‘lib, o‘sha payti maydoni 5,8 ming kvadrat kilometrga teng bo‘lgan.
Solishtirish uchun: o‘zimizning Sirdaryo viloyati hududi — 5,1 ming kvadrat kilometr.
Ayni paytda A-68 Janubiy Atlantika tomonga ketmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter