Bugun Quyosh tutiladi, ammo bizga taalluqli emas
Bugun, 14-dekabr sanasida sayyoramizning ayrim mintaqalarida Quyosh to‘liq tutiladi, deya xabar berdi «Vesti» Moskva planetariysiga asoslanib.
Quyoshning to‘liq tutilishi Chili va Argentina shimolida yashovchilargagina ayon bo‘ladi. Janubiy Amerikaning ayrim mamlakatlari, Polineziya, Afrika va Antarktidaning ayrim hududlarida Quyosh qisman tutilishi ro‘y beradi.
Quyoshning bu safargi tutilishini, qator sabablar ortidan, o‘zbekistonliklar payqamay ham qolishadi. Birinchi va ikkinchidan, to‘liq tutilish dunyoning narigi chekkalari — G‘arbiy va Janubiy yarimsharda, kamiga Toshkent vaqti bilan soat 21:00 lar atrofida yuz beradi, uchinchidan, bir necha kundan beri osmonimiz musaffo emas — Quyosh yuzini bulut (yoki tuman) to‘sib qo‘ygan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter