Argentinada 6,1 balli zilzila sodir bo‘ldi
Argentinada 6,1 balli zilzila sodir bo‘ldi. Bu haqda yakshanba, 10-yanvar kuni Yevropa-O‘rta yer dengizi seysmologik markazi (EMSC) vakillari ma’lum qilishdi.
Ta’kidlanishicha, zilzila Jujuy provinsiyasida qayd etilgan. Tabiiy hodisa UTC vaqti bilan soat 03:54 da (Toshkent vaqti bilan 08:54) kuzatilgan.
Seysmologlarning hisob-kitoblariga ko‘ra, yer osti silkinishlar manbai 185 kilometr chuqurlikka to‘g‘ri keladi. Zilzila epitsentri San-Antonio-de-los-Kobres shahridan 44 kilometr uzoqlikda joylashgan.
Zilzila natijasida yuzaga kelishi mumkin bo‘lgan vayronagarchiliklar, qurbonlar va jarohatlar to‘g‘risida ma’lumot yo‘q, deya xabar berdi «RIA Novosti».
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter