108 yoshli sartarosh vafot etdi
Nyu-Yorkda Entoni Manchinelli vafot etdi. Uning nomi dunyodagi eng keksa sartarosh sifatida Ginnessning rekordlar kitobiga kiritilgan, deb xabar berdi «New York Post».
Ma’lumotlarga ko‘ra, Manchinelli hayotdan ko‘z yumganda 108 yoshda bo‘lgan. Joriy yilning iyul oyida u ahvoli yomonlashgani uchun shifoxonaga tushgan. Bungacha sartarosh o‘zining «Entoni» nomli barbershopida 40 yil faoliyat ko‘rsatgan. Shuningdek, boshqa salonlarda ham uning xizmatiga talab katta bo‘lgan.
Umri davomida u o‘z ishining ustasi sifatida haqiqiy e’tirofga sazovor bo‘lgan. Uning soch olishini tomosha qilish uchun dunyoning turli mamlakatlaridan sayyohlar kelishgan. Nashrning yozishicha, Manchinellining 69 yoshli turmush o‘rtog‘i, to‘ng‘ich o‘g‘li hamda yetti nafar opa-ukasi bor.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter