Xitoy kvant kompyuterlar sohasida «ikkinchi mamlakat»ga aylandi
«Sinxua» agentligi xabar berishicha, Xitoy fan-texnika universiteti olimlari kvant hisoblash mashinasining prototipi — «Szyuchjan» (Jiuzhang)ni ishlab chiqishdi, bu shu paytgacha yaratilgan tizimlar orasida eng tez ishlaydigani.
Akademik Pan Szyanvey boshchiligidagi olimlar yaratgan tizim fotonlar bilan ishlaydi, u kvant vazifani yechish — gauss bozonlarini tanlashga qaratilgan.
76 fotonli tizim uchun yechimni kvant kompyuter 200 soniyada topib berdi. An’anaviy superkompyuterlar, masalan, «TaihuLight» (Xitoy) bu vazifani 2,5 mlrd. yilda uddalagan bo‘lardi.
Ta’kidlash o‘rinliki, Xitoyning foton tizimi xona haroratida ham ishlaydi, holbuki, bungacha taklif etilgan kvant kompyuterlar ancha past haroratni talab etardi. Kuzatuvchilarga ko‘ra, Pan Szyanveyning kompyuteri hozircha bir toifa vazifalarni bajara oladi.
Ushbu yangilik kvant kompyuterlar sohasida Xitoyni dunyodagi «ikkinchi mamlakat»ga aylantirdi, deb yozmoqda «Sinxua».
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter