Toshkent shahridagi Amiti universitetiga boshqaruv direktori tayinlandi
Bobur Abdullayev
Vazirlar Mahkamasining 16-dekabrdagi qaroriga ko‘ra, Bobur Sagdullayevich Abdullayev Toshkent shahridagi Amiti universitetining boshqaruvi direktori vazifasini bajaruvchi etib tayinlandi.
Mehnat faoliyatini «O‘zbektelekom» kompaniyasida boshlagan Bobur Abdullayev turli yillarda AKT vazirligida mas’ul vazifalarda, shuningdek, «UZINFOCOM» yagona integratorida direktor o‘rinbosari lavozimlarida ishlagan.
Tayinlovga qadar AKT vazirligining Axborot-kommunikatsiya texnologiyalari sohasini strategik rivojlantirish boshqarmasi boshlig‘i vazifasida ishlab kelayotgan edi.
Eslatib o‘tamiz, prezidentning 2019-yil 7-yanvardagi qarori bilan Toshkent shahridagi Amiti universiteti tashkil etilgandi. Joriy yilning 24-sentyabr kuni esa universitetning ochilish marosimi o‘tkazilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter