Telegram 2022 yilda dunyodagi eng ko‘p yuklab olingan 5 ilovadan biri bo‘lgan va endi foydalanuvchilar soni 700 milliondan oshgan. Telegramning davomiy rivojlanishini qo‘llab-quvvatlash va eksklyuziv qo‘shimcha funksiyalardan foydalanish imkonini beradigan Telegram Premium obunasi ishga tushirilgan.

«Bu bizga dunyodagi eng kuchli messenjerdan bepul foydalanish imkonini saqlagan holda foydalanuvchilar yillar davomida so‘ragan barcha og‘ir resursli funksiyalarni taklif qilish imkonini beradi», deyiladi rasmiy xabarda.

Telegram Premium

Telegram Premiumga obuna bo‘lish orqali foydalanuvchilar ikki marta oshirilgan limitlar, 4 GB fayl yuklash, tezroq yuklab olish, eksklyuziv stikerlar va reaksiyalar, yaxshilangan chatlar boshqaruvi va boshqa ko‘plab imkoniyatlarga ega bo‘ladi.

Shu bilan birga, foydalanuvchilarni jalb qilgan va deyarli o‘n yildan buyon suyanadigan barcha mavjud funksiyalar bepul bo‘lib qoladi. Bundan tashqari, premium bo‘lmagan foydalanuvchilar ayrim premium funksiyalardan foydalanishi mumkin: masalan, premium foydalanuvchilar yuborgan juda katta hujjatlarni yuklab olish va stikerlarni ko‘rish, shuningdek, allaqachon xabarga qo‘shilgan premium reaksiyalar hisoblagichini oshirish uchun ularga bosish.

Obunachilar hissasi ko‘p yillar davomida messenjerni rivojlantirish va takomillashtirish imkonini beradi va u dunyodagi yuqori texnologiyali kompaniyalar uchun yangi standartlarni bergan holda bepul, mustaqil va foydalanuvchilarga yo‘naltirilgan bo‘lib qola oladi.

Tlegeram Premium maqomini olish uchun telefon uchun har oyda 5 dollardan, kompyuter uchun 3.99 dollardan pul to‘lash kerak. Premium bo‘lganlarga quyidagi qulayliklar taklif etilgan.

4 GB yuklashlar

Istalgan foydalanuvchi har birining hajmi 2 GB gacha bo‘lgan katta fayllar va mediani yuklashi hamda Telegram bulutida cheksiz xotirada bepul foydalanishi mumkin. Telegram Premium bilan obunachilar endi 4 GB hajmli fayllarni yubora oladi. Bu 4 soatlik 1080p video yoki 18 kunlik yuqori sifatli audio uchun yetarli.

Barcha Telegram foydalanuvchilari Telegram Premiumga obuna bo‘lgan yoki bo‘lmaganidan qat’i nazar, ushbu yirik hujjatlarni yuklab olishi mumkin.

Tezroq yuklab olish

Premium obunachilar media va fayllarni mumkin bo‘lgan eng yuqori tezlikda yuklab oladi. Cheklanmagan bulut xotirangizdagi barcha kontentdan tarmog‘ingiz ko‘tara oladigan eng yuqori tezlikda foydalanish mumkin.

Ikki marta oshirilgan limitlar

Premium foydalanuvchilar ilovadagi deyarli barcha narsa uchun oshirilgan limitga ega bo‘ladi. Premium bilan 1000 tagacha kanalni kuzatishingiz, har birida 200 tagacha chat bo‘lgan 20 tagacha jild yaratish, istalgan Telegram ilovasiga to‘rtinchi hisob qo‘shish, asosiy ro‘yxatda 10 ta chat qadash va 10 tagacha sevimli stikerlarni saqlash mumkin.

Ilovadagi deyarli barcha narsa uchun ikki marta oshirilgan limitlar

Endi uzunroq tarjimayi hol yozishingiz va unda havola kiritishingiz mumkin. Xuddi shu tarzda Premium media izohlariga uzunroq belgilar kiritish imkonini beradi. 400 tacha sevimli GIF bilan istalgan xabarga javob berishning to‘g‘ri usulini topish osonroq bo‘ladi. Va nihoyat, Premium foydalanuvchilari guruh va kanallariga ko‘proq foydalanuvchilarni jalb qilgan holda bir vaqtda 20 tagacha ommaviy t.me havolasidan foydalanishi mumkin.

Ovozni matnga aylantirish

Ovozli xabarlarni siz tinglashni xohlamaydigan, lekin unda nima aytilganini bilishni istaydigan holatlarda matnga aylantirish mumkin. Transkripsiyalarni yaxshilashga yordam berish uchun ularni baholash mumkin.

Mukammal stikerlar

O‘nlab stikerlar butun ekran animatsiyalari tufayli yanada tomoshabinbop bo‘ldi. Bunday stikerlarni yuborish orqali Premium foydalanuvchilar istalgan chatda o‘z hissiyotlarini maksimal aniq va yorqin ifoda etishi mumkin: animatsiyalar barcha foydalanuvchilar uchun ko‘rinadi. Telegram rassomlari eksklyuziv to‘plamni har oy to‘ldirib boradi.

Stikerlar panelingizning «Yaqinda foydalanilgan» bo‘limidan Premium stikerlarni tez topish mumkin.

Mukammal reaksiyalar

Premium foydalanuvchilar xabarlarga reaksiya bildirishning ko‘proq usuli mavjud: ular 10 dan ortiq yangi emojilardan foydalanishi mumkin.

Chatlar boshqaruvi

Telegram Premium chatlar ro‘yxatini tartiblash uchun ilova har doim maxsus jildni, ochishi uchun birlamchi chatlar jildini (masalan, Barcha chatlar o‘rniga O‘qilmaganlar) o‘zgartirish kabi yangi vositalarni o‘z ichiga oladi.

Birlamchi jildni o‘zgartirish uchun chatlar ro‘yxatida jildni bosib turing > Qayta tartiblash > va kerakli jildni birinchi o‘ringa ushlab torting.

Shu bilan birga, obunachilar yangi chatlarni avtomatik arxivlash va sukut qilish uchun Maxfiylik va xavfsizlik ruknida sozlamani yoqishi mumkin, bu hatto eng band chatlar ro‘yxatini ham tartiblashga yordam beradi.

Animatsiyali profil rasmlari

Premium foydalanuvchilarning profil videolari ilova bo‘ylab, jumladan, chatlarda va chatlar ro‘yxatida barcha uchun ko‘rinadi.

Premium nishonlar

Barcha Telegram Premium obunachilari chatlar ro‘yxati, chat sarlavhalari va guruhlardagi a’zolar ro‘yxatida ismlari yonida chiqadigan Premium maxsus nishonga ega bo‘ladi. Bu ular Telegramni qo‘llab-quvvatlashga yordam berishi va yangi funksiyalarni birinchi bo‘lib oladigan klubning bir qismi ekanini bildiradi.

Premium ilova ikonkalari

Telefon ekraniga Telegram ilovasi uchun eksklyuziv ikonkalar to‘plami yaratilgan. Obunachilar uchun to‘plamga Telegram Premium belgisi — yulduzlar, tungi osmon va turbo samolyot kiradi.

Reklamalarsiz

Ayrim mamlakatlarda ko‘p obunachiga ega ommaviy kanallarda reklama beruvchilar Telegram rasmiy platformasi orqali joylaydigan xabarlar chiqishi mumkin. Foydalanuvchilar xavfsizligiga qayg‘urgan holda joylangan ushbu minimalist xabarlar Telegram joriy xarajatlarini qoplashiga yordam beradi. Ular Telegram Premium obunachilari uchun berkitiladi.

Premium obunalar Telegramga nafaqat premium funksiyalarning qo‘shimcha xarajatlarini qoplashga, balki barcha uchun Telegramning bepul versiyasini qo‘llab-quvvatlashga yordam beradi.

Barcha uchun qulayliklar

Shuningdek, barcha uchun bepul funksiyalar ham joriy etilgan. Xususan, ommaviy guruhlar uchun qo‘shilish so‘rovlari, tashqi ulashuv uchun animatsiyali ekran, yaxshilangan bot tavsiflari va boshqalar taqdim etiladi.

Ommaviy guruhlar uchun qo‘shilish so‘rovlari

Ommaviy guruhlar endi qo‘shilish so‘rovlarini yoqishi mumkin, bu guruh adminlariga yangi a’zolarni guruhga yozish uchun tasdiqlashidan oldin tekshirish imkonini beradi. Guruhni ochgan foydalanuvchilar Guruhga qo‘shilishni so‘rash bandini bosishi mumkin, bunda so‘rovlar faqat adminlar kira oladigan ro‘yxatga qo‘shiladi.

Adminlar bo‘lajak a’zo bilan guruh qoidalarni aytish, guruh va foydalanuvchi bir-birirga mos kelishi yoki kelmasligini tushunish uchun alohida chatda suhbatlashishi va hatto yangi a’zo uchun syurpriz tayyorlashi mumkin. Bunday chatlarni yaratganda Telergam foydalanuvchiga u bilan guruh admini bog‘langanini xabar qiladi.

Ommaviy guruhlar egalari Guruh axboroti > Tahrirlash > Guruh turi > Kimlar xabarlar yuborishi mumkin? > Faqat a’zolar bandini tanlash > Yangi a’zolarni tasdiqlash bandini yoqish orqali qo‘shilish so‘rovlarini yoqishi mumkin.

Chatlarda tasdiq nishonlari

Jamoat arboblari va tashkilotlar xabarlar tasdiqlangan manbadan kelayotganinini ko‘rsatish uchun tasdiq nishonini Verification Check olgan holda guruh, kanal yoki botini tasdiqlashi mumkin. Profillar, qidiruv natijalari va chatlar ro‘yxatiga qo‘shimcha sifatida, ushbu nishonlar endi chatning yuqorisida chiqadi. Bu tasdiqlangan axborot manbalarini aniqlashni yanada osonlashtiradi.

Agar kamida ikkita ijtimoiy tarmoqda tasdiqlangan bo‘lsa, guruh, kanal yoki botni tasdiqlash mumkin.

Yaxshiroq botlar

Telegramdagi botlar so‘rovnomalar olish, to‘lovlarni qabul qilish va hatto butun veb-saytlar o‘rnini egallashga yordam beradi. Bot dasturchilari endi funksiyalarini namoyish qilish uchun «Bu bot nimalar qila oladi?» bo‘limiga surat yoki video qo‘shishi mumkin.

Android uchun ilovada yaxshilangan chat prevyulari

Bu yangilanishda xuddi iOS uchun ilovadagi kabi yanada qulay chat prevyulari qo‘shildi. Endi to‘liq chatni o‘qilgan deb belgilamasdan ko‘rish uchun uni varaqlashingiz mumkin. Chatni o‘qilgan deb belgilash, uni sukut qilish, qadash yoki o‘chirib tashlash imkonini berish uchun yangi tugmalar qo‘shildi.

Biror chatga razm solish uchun shunchaki chatlari ro‘yxatida uning profil rasmini bosib turing.

Android uchun ilovada galereyaga avtomatik saqlash

Mediani galereyaga avtomatik saqlash funksiyasi yangi kuch bilan qaytdi: mediani saqlash funksiyasini endi foydalanuvchilar, guruhlar yoki kanallar bilan chatlar uchun alohida yoqish va faolsizlantirish mumkin.

iOS uchun ilovada yaxshilangan tashqi ulashuv

2 GB (yoki 4 GB) gacha fayllarni yuborish imkoniyati bilan foydalanuvchilar katta media kontentlarni boshqa ilovalardan bevosita istalgan mobil platformadagi Telegramga oson ulashishi mumkin. Bu vaqt va xotira joyini tejaydi – faylni Telegramga yuborishdan oldin uni saqlashingizga to‘g‘ri kelmaydi.

macOS uchun ilovada animatsiyali profil rasmi konstruktori

macOS uchun ilova foydalanuvchilari endi maxsus profil rasmini yaratishning tezkor usuliga ega – fokus sifatida istalgan stiker yoki animatsiyali emojini tanlang va rangli gradiyent fon qo‘shing. Uni o‘z profil rasmingiz yoxud guruh yoki kanal rasmi sifatida belgilash mumkin.

Ulardan birini yaratish uchun Sozlamalar yoki Chat axboroti sahifasiga kiring > Tahrirlash bandini bosing > Stiker yoki Emoji tanlang.

Tezroq va kuchliroq

Bu yangilanish mobil va desktop ilovalariga xatoliklarni tuzatish, tezlikni oshirish va kichik funksiyalarni kengaytirish kabi 100 dan ortiq tuzatma va optimallanishlarni o‘z ichiga oladi. Oxirgi iPhone va iPad qurilmalariga ega iOS foydalanuvchilari ilova bo‘ylab sezilarli darajada ravonroq animatsiyalarga (120 FPS) ega bo‘ladi. Android foydalanuvchilari muqobil ilova ikonkalarini sozlash barcha oxirgi stikerlarni bittada tozalash va foydalanuvchi tarjimayi hollari yoki chat tavsiflarini tarjima qilish, ovozli va video xabarlarda yaxshiroq audio va video sifati haqida xabar beriladi.